إيه المصير .!؟

لما فكْرت بحكمه مش بصوت و جعير

و سألت إلهى .. إيه المصير .!؟

جاوبنى و قال لى .. خليك حليم

قولت انا تعبت .. و هَمّى ثقيل

قال لى .. شايف قلبك من غير تفسير

بَكيت , انا راضى بمَشيئتك فى حياتى

بس إرشدنى فـ طريقى و لحد نِهايَتى

إسكُنى و قوينى .. إحمينى من ذاتى

تفكيرى محدود و من حُزنى مكبوت

و نظرى ضعيف و ماشى بتلطيش

شكلنى من تانى او غيرلى شُريانى

خلينى أستحق أكون بنتك

مش بنت مشغوله بعالم فانى