عارف ..!؟
يا طيرى يا ابيض .. طِير بدالى و لِف الكون
طير مرة عشانى ولو بجنون
إفرد جناحاتك و ماتنزلش فى يوم
علمنى أفضل تملى فوق
أطير بروحى من كل الهموم
طِير و إسمحلى أكون مَعزوم
بروحى معاك على غُصن زيتون
طيب .. طير و إوصفلى إيه دًنياك ..!؟
شايف حالنا إزاى من فوق ..!؟
عندك غدر و قسوة هناك ..!؟
عارف .. انا كان نفسى أكون
طِير و الِف بنفسى الكون
لا فى قلبى حُزن .. ولا احمل هموم
8 comments:
عزيزتي كارول
استوقفني حوارك مع الطير ياتري عندك قسوه و غدر هناك
خالاني افكر ياتري القسوه و الغدر من طباع البشر و غير موجوده عند الطيور؟دائما الطيور بتكون في خيالنا مرتبطه بالحريه فالطير لديه قدره علي انه يطير فوق في السما مابيخافش بيروح اي مكان و يرفرف بعيد بعيد اوي
كان نفسي الطير يتكلم و يقولنا ياتري فيه قسوه و غدر هناك؟
بوست معبر دايما كعادتك ياجميله
بشكرك عليه و بحييكي علي احساسك العالي
:)
بوست جميل و معبر
حلم الهروب مننا ومن همومنا حلم الراحة والاسترخاء حلم التحليق الي بعيدا عن كل شئ حتي ولو كان التحليق رمزيا في خيالنا بس
تحياتي لانكي جعلتيني احلق للحظات
الله على الكلام الجميل
لان القصيده فيها روح تفاؤل عاليه وجميله
أطير بروحى من كل الهموم
طِير و إسمحلى أكون مَعزوم
جميله جدا جدا
وفى النهايه سلامى وربنا يوفقك
اجندا حمرا
شكرا يا جميلة
إحساسك انت الاجميل
تحياتى :)
micheal
شكرا ليك
تحياتى
sendbad
أشكرك و يسعدنى انا ايضا ذلك
تحياتى لك
الســـاحر
شكرا .. ولا تنتبه كثيرا للبوست القادم
معذره عن مايحمله بين سطوره
تحياتى
Post a Comment