انا كده من زمان
خنأنى الكلام إلّى جوه قلبى من زمان ساكت و شايل أحزان غيرى .. بس فرحان
و صابر بَريّح كل قلب تعبان
لحد ما يطيب .. ويقولى سلام
بحزن و بفرح .. ما انا برضه إنسان
ليا مشاعر و قلب و كيان
و كل مانكسر .. بتزيد الاحزان
مملُكش من الحظ ولا حَبة رُمان
و بتخلص القصة من قبل العنوان
يرضيك كده برضه يا زمان ..!؟
أسكُت كده و تشيلنىِ فى أحزان
لا نافع معاك نسيان ولا حتى جنان
أفضل حاجه إنى أعمل فرحان
و إلّىِ يسألنى هاقوله
دا انا كده من زمان
:)
18 comments:
فكرتيني بالمعاناة اللي الواحد عايشها
رغم كل الظروف وكل المشاكل
مطلوب مني أعيش وأحاول أتبسط ومتأثرش ف شغلي ومخليش دا يأثرعلي اللي حوالي
مطلوب مني أعمل فرحان
تحياتي
عزيزتي كارول
الموسيقي رائعه مفيش جدال عليها و الموضوع طبعا بيمس القلب
يمكن عشان كل واحد فينا جواه احزان بيحاول يخفيها قدام الناس عشان مايشغلش بال حد بهمومه
و بنفضل نسمع من الناس و نخفف همومهم
مطلوب نبقي كلاون كل يوم
تحياتي علي موضوعك المعبر و مستنيه مزيد من الابداعات
:)
عزيزتى
اللى بتمرى بيه بيمر بيه ناس كتير
كلنا بننكسر وبحاول نقوم وبنقوم وننكسر ونقول وننكسر ونقوم
القصه لازم تخلص اصل العنوان مكنش للقصه دى لازم تستنى قصتك وبعدين اهتمى يكون ليها عنوان
لازم منبينش كل اللى جوانا
هبقا اسبلك حاجه كتبتها بتقول
لما زهقت من الكلام كتبت كلام
اصالح بيه نفسى او ابدأ معها الخصام
اللى برايه مش زى اللى جوايه
واللى جواية أه وجراح وألام
اتمنا تعجبك
سلام
ساعات كتيير بقول لنفسي كده برضه
:)
تحياتي لكي و لكلماتك الرقيقه
قمة القوة لما نلاقي الأحزان عايشة جوانا وبرغم كده لازم اكون فرحانه واقول عادي
بالتوفيق
The Alien
بالنسبه لى , فهى ليست بمعاناه
لأننى أجد سعادتى فى إسعاد غيرى
ولا يهم أى شىء اخر
شكرا لمرورك
اجندا حمرا
شكرا يا جميلة
هاوصل إعجابك بالموسيقى
لعُمر خيرت :)))
بس بجد انا كده من زمان
و مش عارفه أكون غير كده
(مهرجه يعنى )
تحياتى
:)
احساس لسه حى
كلام جميل بجد من إنسان فنان
عنده بلوج هايل وكلامه موزون بميزان
شكرا, كلامك بجد عجبنى
تحياتى :)
micheal
تحياتى لك أيضا :)
sahr
أشكرك, و كل التوفيق لكى أيضا
أفضل حاجه إنى أعمل فرحان و إلّىِ يسألنى هاقوله دا انا كده من زمان
أهو هو دا الكلام ولا بلاش
تحياتى
كلامك معبر جدا
والمدونة جميلة جدا
تحياتي
بنكتم في جوانا ديما
وبنفضل نشيل بقلبنا ومابنقولش ليه ولا لا...بس وقت الي بيطلع كلامنا لبرا بنضيع
عشان كل الناس والزمان بيحسبنا حجر
بنبدأ نفكر احنى تولدنا بنشيل وبس ولو بس عطينا حاجة وحدة بينقلب الكون
وجع
ألم
حرقة
تلات اشياء صارت ملازمة لينا لأنها قدر
4xmisr
مش عارفة ,
ولو إن ساعات بيكون مش هو ده الكلام
بس شكرا على مرورك
و كلامك
تحياتى :)
MONDAHESH
شكرا جدا جدا
تحياتى :)
linda
ليندا الجميلة
كلامك دايما بيعجبنى
بس بلاش كلامى يأثر عليكى كدة
لما تيجيلى مدونتى تانى
إبقى إسمعى من ودنك الشمال
و فوتى من ودنك اليمبن
و إعملى نفسك مش واخدة بالك من حاجه
:))
نورتينى .. بس هاتنورى أكتر
لو جيتى تانى و تنشتينى
;)
أول
post
لي في التدوينة
بعنوان البلياتشو من فضلك شوفيه شبه كلامك قوي
carol
عجبنى جدا
;) مش قولتلك انا قرينك يا زواوى
ولكن مع الفارق
أنا لم أرتقى بعد لبراعتك فى الكتابة
و جمال تعبيرك :)
بالتوفيق دايما
:)
Post a Comment