حالة إنتظار


انا قلبى ده قارب خشب
لكن ياخساره شراعه مَكسور
كان نفسه يوصل لكل قلب مشطور
يعطي له شريانه لحد مايُصلب الطول
لكن الريح شِديد والموج بيثور
و انا حِملى كبير و مازلت صبور
مع كل شط بقابل ناس
ترميلى فى حمل وتسيبنى أحتاس
وارجع من تانى أجدف بحماس
مجدافى قلم و فٌرشه و حبة أحبار
بس تعبت خلاص من طول المشوار
داب منى قلمى والفُرشه غاصت فى البحار
و لسه ساكت بادعى و فى حاله إنتظار
إن ربى يرشدنى بنور الفنار

21 comments:

Anonymous said...

أول تعليق
لأنى محظوظ

لو أن الكلام فعلا من القلب لقلت
خذى شراعى واكملى الرحلة

رغم انى اعرف الاجابة

Thanx يا فندم

micheal said...

كلامك ججميل أوي و بالاخص الجمله الاخيره
إن ربى يرشدنى بنور الفنار
تحياتي

Carol said...

لنحوّل أنظرنا عن الالم الذي غلف كلماتك
و نتأمل غنى تلك التجارب
التي ملئت قلبك ... تلك الأحمال التي تكلمتي عنها هي المجداف هي الفرح فهي جعلتك أنضج أقوى
لننتظر لنعرف مشيئته
و في النهاية ستعرفي إنها رسالة حب
لا تستحق تلك النبرة الحزينة

Anonymous said...

بقى لك فترة مش بتكتبى ولا بترسمى

ممكن حتى تضيفى حاجات وسكيتشات قديمة من اعمالك .. المهم بس ماتكسليش ..

ياترى مين اللى كسلان اللى هاياكل التورتة ؟

:)))

Anonymous said...

دايما ياكارول بنقابل ناس في حياتنا فيهم الكويس و فيهم الوحش

فيهم اللي يحب يشوفنا دايما ناجحين و محبوبين من غيرنا و فيهم اللي بيفضل يدور علي المشاكل بمنكاش و عايز يشوفنا فاشلين و مهزومين

زمان كان الهجوم بيكسرني و يدخلني في موود كئابه شديد كل مادا بحس اني بتقوي بالهجوم ده و بحاول اقلبه لطاقه بناءه

تحياتي لكلماتك العميقه في معانيها و عوده حميده عزيزتي

و ربنا دايما يرشدك لما فيه الصالح و ينور طريقك

كلام لوجيك said...

هتفضلى فى حالة الانتظار دي كتير؟؟
كلمات حية تنساب بهدوء الى القلوب

خالص مودتى

سمـــــــــا said...

مجدافى قلم وفرشة وحبة احبار

داب منى قلمى والفرشة غاصت فى البحار


الله اد ايه اختيارك للكلمات جميل ومعبر بس اعرفى ان الحمل اللى بتشيليه والجهد اللى بتعانيه تعبهم مش هيروح بدون فايدة . دايما فيه مقابل بس احيانا مش بنشوفه .

نور الفنار هيفضل يحمينا ويرشدنا من الخطر بس المهم انا يكون نظرنا ستة على ستة علشان نقدر نميز النور:)

carol 2002 said...

Sherif
نحن أيضا محظوظين لمرور حضرتك يا فندم
شكرا جزيلا
تحياتى لك

carol 2002 said...

micheal
فعلا انا دائما فى إنتظار ان يرشدنى الله
للنور الحقيقى
لأننا كثير ما نرى سراب
و نعتقد إنه النور الحقيقى

ربنا يرشدنا جميعا
للنور الحقيقى
أشكرك على حضورك الدائم
تحياتى
:)

carol 2002 said...

Carol
أعرف ذلك جيدا
و انا دائما بنظر لكل الامور
بنظرة مختلفة
لعلى أعرف رسالة الله لى فى كل شىء

فهو بحق دائما يكلمنا عن طريق كل شىء
حولنا .. أشخاص لا نعرفهم .. كل شىء

ولكن كثيرا ما تنشغل عيونا و قلوبنا و أذهنا بالدنيا وما فيها

وكثير نكل ونتعب من ثقل حملنا
وتصبح كلماتنا مغلفه بتلك النبرة الحزينه

ولكننا نتذكر وعده لنا .. و نعود لننتظر الراعى الذى يلتقط خروفه الضال

أشكرك على كلماتك الجميلة دائما
فعلا بتسعدينى بمرورك
حتى لو كانت بدون تعليق

ربنا معاك
:)

carol 2002 said...

Sherif
ما هو المشكلة إنى كثير لا أملك الوقت لذلك
و أيضا دائما لا يعجبنى ما أرسمه
فكل ما عرضته من أعمال فى مدونتى الاخرى
ما هى إلا أعمال قديمة

للأسف , لم أملك الوقت الكافى للرسم

و لكنى أحاول أن أجد فرشاتى مرة أخرى

ولكن أولا لابد ان أملك الوقت الكافى
لذلك

أصلى الرسم بالنسبه لى
حياة وليس حالة


بس ممكن فعلا تقول كسل شويه
بس مش فاهمة إيه موضوع (التورتة)ده بالظبط ؟

ثم يكفى أن نستمتع بفن حضرتك يا فندم
شكرا على إهتمامك
و سؤالك

carol 2002 said...

اجندا حمرا
جميل كلامك أيضا
و جميلة قوة إرادتكفى التغلب على المواقف الصعبة

أشكرك و ربنا معاك و يرشدك أنتى أيضا
حسب إرادته
تحياتى
:)

carol 2002 said...

كلام لوجيك
يعنى على حسب
أصلى خايفه لا الدنيا تمطر ولا حاجه
;)

أشكرك على تشجيعك
و حمدلله على السلامه
انا إفتكرتك تهت عن عنوان مدونتى

مع إن الوصفه سهله
الوصفه هايله
:))

تحياتى و بالتوفيق لك أيضا
^_^

carol 2002 said...

سمـــــــــــا
مع كل إحترامى لكلماتك الرقيقة
ولكننى لا أنتظر أى مقابل ولا أى فائده

عندما أعطى من من قلبى شىء
لا أنتظر مقابل لذلك

ولكن أجد ان الله يكافئنى دون أن أدرى ولا أن أنتظر ذلك
فهو يسمعنا دائما
دون أن نتكلم أو نظلب
ولكن للأسف نحن كثير لا نسمعه

ولكى نرى نور الفنار
لابد أن نصمت أولا لكى نسمع صوت الله
و نرى بقلوبنا نور الفنار

أشكرك لمشاركتك كلماتى
:)

سندباد said...

ربنا يرشدنا لمن نرسو علي شاطئه الجميل
دائما
تحياتي للاحساس الجميل

carol 2002 said...

sendbad
أشكرك على مرورك و كلامك
تحياتى لك أيضا
:)

احساس لسه حى said...

عزيزتى
الشراع المكسور ايه كسره
انا رائى تنطقى من المركب وتعومى وقلبك بدل اختار انه ينكسر الحقى نفسك وسبيه يا يفوق يا هيفضل مكسور
النور فى قوة قلبك واحساسك
يا يكون اد البحر يا ما ينزلهوش
تحياتى يا جميل
سلام

carol 2002 said...

احساس لسه حى
أتفق معك
تحياتى

Christa said...

مدونتك جميلة جدا
أول مرة أكتشفها لكن استمعت بكل اللى قريته

carol 2002 said...

Christa
أشكرك , هذا فقط من زوئك
و أسعدنى جدا تعليقك
بالرغم من ان هذا الموضوع قديم
وإنما كانت لفته جميلة منك
أتمنى تكرار زيارتك دائما
لأنها تسعدنى كثيرا

وانت أيضا لكى موقع مميز
لقد أعجبنى كثيرا
و مدونه جميله أيضا

نورتينى
:)

Blank-Socrate said...

كاروووول العزيزة
احنا و ظيفتنا دى حب للناس
و احتياجاتنا للحب ربنا هو اللى يشبعها
كل ما تتعبى فى الطريق افتكرى ان ربنا عارف و شايف و فرحان بيك لانك مهربتيش و لسه بتعملى دورك