طيب ماشى ..انا ضمن العيال


سؤال بسيط بس يحيّر
و كل مافكر أحتار فيه اكتر
و بلون واضح سألت السؤال
هى الصراحه و الوضوح..سذاجة عيال !؟
يمكن سؤالى مجرد غباوه
فى زمن المَكر فيه ذكاوه
و أقنعة الصِدق و ميل الإتزان
حتى القيم كانت ايام زمان
و إن قولت بصراحه انا إنسان وَحدان
مش حِمل خِداع دا انا فالأساس غلبان
تصبح كوره فى رجلين الجدعان
طيب ماشى .. انا ضمن العيال
:P

15 comments:

karim said...

كلام رائع و معبر, تقبل تحياتى

carol 2002 said...

karim

أشكرك, يسعدنى مرورك
تحياتى لك أيضا

Blank-Socrate said...

و انا كمان عيل
:)
فعلا فى الزمن دا البساطة و الصدق و التلقائية
سذاجة و عبط
انا قررت من زمان افضل عبيط
--------
طبعا بدون شك لازم يكون مع التلقائيه و البساطة حكمة لاننا ممكن نأذى انسان لو اتكلمنا او اتعاملنا بدون حكمة
تحياتى لكارول العزيزة

maxbeta3zaman said...

سطور فيها فكر ..وياليتنا نظل فى براءة وتلقائية الطفل الذى يعبر بصدق عن مشاعره دون مواربه ويعرف من ملامح الوجه ماتكنه النفس فالطفل ينفر من شخص وينجذب لآخر بحاسة فطرية عجيبة لم تدخل عليها بعد المصالح والمجاملة ..كان الراحل صلاح جاهين يمثل رفض الطفل لشىء ما أو أكل ما بقوله ....لللللللأه ضاغطا على اللام بقوة تؤكد على الرفض مرحبا بكون المرء عيل من هذه الزاوية فقط ...والحقى بقى الا الإذاعة جت عندك

dramaqueen said...

انا كمان ضمن العيال

تحياتى لبساطتك وجمال اسلوبك

carol 2002 said...

Blank-Socrate

طبعا الحكمه مطلوبه
أتمنى ان أملك منها القليل
شكرا لمرورك و مشاركتك

أتمنى لك كل التوفيق
:)

carol 2002 said...

انت تسال والكمبيوتر يجيب

أولا شكرا جزيلا على الدعوه
و ثانيا, بعتذر لما حدث من خطأ
بإننى إعتقدت ان تعليقك الثانى مُكرر
و قمت بإلغائه, و للأسف فشلت فى إظهاره مرة اخرى .. أُعتذر على جهلى فى تلك الأمور

و هذا كان تعليقك
==============
الأخت العزيزه
انت تفكرينا بقوه بالراحل صلاح جاهين
رسامه وشاعره تلخصين حكمة التجربه فى اقل الكلمات
يهمنا تواصلك معنا
دعوه

------------
أشكرك , فأنا لا أتوصل لهذه الدرجه
فمدونتى هذه مجرد خواطر او كلام
يأتى على بالى فى أى وقت دون سابق إنذار او ترتيب له
فأنا لازلت نقطه فى بحر الكلام
:)
أما عن مدونة رسوماتى
فهذا هو مجالى , هوايتى و تخصصى
و مع كل ما رسمت و ما توصلت له مازلت نقطه كنقطة لون صغيرة جدا .. بالمقارنه لمن سبقونى فى مجالى
:)

أسعدنى مرورك و مشاركتك
تحياتى
:)

carol 2002 said...

maxbeta3zaman

ألا الإذاعة !؟
:)))
لأ طالما فيها ألا .. يبئا خلاص ..كل شىء إنكشفٍ و بان
:)))

أشكرك على ترحيبك لطفولتى
كما يعجبنى فكرك أيضا

أسعدنى مرورك و تعليقك
نورتنا
:)

carol 2002 said...

dramaqueen

أشكرك, هذا فقط من زوئك
:)
شكرا على رأيك
و أسعدتنى مشاركتك
تحياتى
:)

micheal said...

وأنا كمان من ضمن العيال
:)
كلماتك جميلة كعادتك
تحياتي

carol 2002 said...

micheal

أشكرك, رافع معنوياتى دائما
تحياتى لك ايضا
وأسعدنى مرورك
:)

Fady Karam said...

الناس قالت كل حاجة ، الكلام جميل و الفكرة شاملة أصله مبقاش بس الصراحة و الوضوح اللي كلام عيال دا بقه حاجات كتيييييييير
كل سنة و انتي طيبة

carol 2002 said...

Bondo2

فعلا, كلامك صحيح للأسف
أشكرك على مرورك و رأيك الجميل

كل سنه و أنت بكل خير
:) نورتنا بزيارتك

Carol said...

hi carol
إزيك
:)
ليكي وحشة .. أنا قولت أجي أسلم بس
أتمنى تكوني تمام
يلا سلام :p

carol 2002 said...

carol
إزيك يا جميلة ؟
كده تغيبى كتير و تشغلينا عليكى
:)
أتمنى تكونى سعيدة فى حياتك
و كل احوالك بخير
و فرحتينى حقيقى بسؤالك و مرورك
:)
يارب نشوفك دايما بنا منورانا بكلماتك
و ماتغبيش تانى
:)