حاله صعبه


بمشرط و مشى فى كل إتجاه
يمين شمال لحد ما تاه
لا عرف يعالج ولا سابه للحياه
و لما حاول يداوى بحكمه و ذكاء
تعبه زياده و آل دعاله بالشفاء

يا نفسى شيلى من جواكى الهموم
دا ربك شايف و حاسب باليوم
انا عارف و فاهم و بالعقل موزون
و لو نمت يوم و دمعى فى الجفون
أكيد عند ربى نَفسى مش هَتهون

و بصوت عالى وقفت أقول
يـا صبر إدينى من عندك شويه
و إنتى يا حكمه حِنى عليا
دانا وحيد و تايه فى الدنيا ديه
و فاضلى يومين إلا شويه
و أروح برجلى للعباسيه



21 comments:

romansy said...

اول تعليق

ل

رومانسى

romansy said...

الاحساس بالجرح شئسئ
بس المهم نلاقى اللى يداويه
ايه الغياب الكبير دا
الله يكون فى عونك

dramaqueen said...

جميلة كلماتك اوى
وبعدين متخافيش العباسية جنبى لو جيتى هابقى اجى ازورك

متقلقيش ان شاء الله ربنا يزيح الهم

micheal said...

كلنا هذا الانسان
مش لوحدك
:)
تحياتي واحترامي

Blank-Socrate said...

جميلة جدا جدا يا كارول
كل ما احاول ادخل فى موود الحزن
يجى السطر اللى بعدة يفوقنى
جميلة جدا كلمه
عند ربى نفسى مش هتهون
انا فعلا باحس اوقات كتيرة انى قريب جدا لربنا و انى باصعب عليه و انه نفسى يكلمنى بشكل حسى و يقولك انا معاك
بس مش بيحصل :)
اما موضوع العباسية اوكى مفيش مشاكل لانها قريبه منى و اعتقد هاقدر ازورك كل يوم
و هاجبلك ورد :)

Anonymous said...

عفوا سيدتى

انتهى رصيدكم من الصبر .. نرجو اعادة الشحن

نحن لانحتاج الى صبر
نحن نحتاج فقط لأن نحيا كما اراد الله لنا ان نكون

الحياة اجمل واحلى من ان نتركها للآلام .. خصوصا اذا كان فيها من يضحك لنا .. ولو طفل

soulmate said...

جميله كلماتك بجد ماشاء الله بس قولى بصوت مسموع يااااااااااااااارب حتساعدك وتاخد بايدك دايما فى محنتك

سكرة said...

بجد كلامك جميل جدا واحساسك حلو

Blank-Socrate said...

لية التأخير
واضح ان موضوع العباسية حصل
لانى اعرف انى مفيش هناك نت
تعبت قوى فى الشهر اللى قعدته هناك قبل كدا
تحياتى

Carol said...

و بصوت عالى وقفت أقول يـا صبر إدينى
من عندك شويه و إنتى يا حكمه حِنى عليا

أعجبتني الجلمة دي قوي:)
و لكن شعوري المنعكس من كل إبداعك مليئ بالحزن
و الحنين للطفولة و ايام البرائة
و كأنك دائما في بحث عنهم
و ماذا عن النهارده
؟

أميرة علي كوكب مهجور said...

حلوة اوي كلماتك خصوصا عند ربي نفسي مش هتهون بجد حلوة اوي وكل حد فينا ممكن يحس بكلام ده في حياته اللي بقت بجد مش مفهومة

micheal said...

فينك
:)

طارق هلال said...

ودقت ساعة بعد ساعة
ورنت بكل احساس فى قلبي
بكرة فرحة هتعدي
وبعد اللي بعده فرحة تانية
استنى على الحزن شوية
اعمل نفسك صابر يومين
وبعدها
اتجنن يومين شوية

محمد عتلم said...

انا جيت امسى عليكى
بقالنا كتير مامسيناش على بعض

hosnysoliman said...

انا راجع من بعيد من زمان ابص على اصحاب كان ليا معاهم كلام.قلت اشوف اخبرهم والدنيا عاملة فيهم ايه.لقيت الحال هو نفس الخال ويمكن اسواء شويةكمان,لكن نقول ايه؟الايام هيا الايام كل يوم اسواء من اللى كان.لكن لسة فى امل فى بكرة وباذن الله كله يهون ويبقى تمام.

carol 2002 said...

اشكر كل من اهتم بالتعليق هنا
و كل من اعطانى من وقته و مروره بمدونتى

و اعتذر لتأخرى فى الرد
و شكرا للجميع

محمد مصطفى said...

روعه

carol 2002 said...

Zoom

اشكرك يا شاعر
انت ايضا كلماتك روعه

اسعدنى مرورك
:)

amirelhob said...

حلو اوى البوست دا بجد يجنن وتحفه والفوتو بجد تحفه تقدرى تقولى اول مره اشوف صوره مكمله للبوست كدا تحسى انها بتحكى عن البوست من قبل ما اقرئها بجد البوست دا لمسنى اوى رغم انى حسيت وافتركت حد فى يوم جرحنى الا انى مبسوط انى جيت هنا وقريت البوست دا ومن قلبى بجد بتمنلك كل خير وسعاده وصحه وتوفيق وفرح وابتسامه تدوم يا رب طول العمر

romansy said...

كل عام والمسلمين فى مصر والعالم الاسلامى بكل خير ومحبة وسلام لكل الانام

عيد اضحى سعيد

اعاده الله على الجميع بالامن والاستقرار

والسرور والتسامح

carol 2002 said...

amirelhob

اشكرك على كلامك و على زيارتك الاولى
و اتمنى الا تكون الاخيره
نورتنا و كل سنه و انت طيب
و عيد سعيد عليكم جميعا
:)