يا مَقص أحلامى ..! أروح مِنك فين قولىِ انا ..!؟
يا مَقص أحلامى ..! أروح مِنك فين قولىِ انا ..!؟
فِضلت تقُص و تقصَر فى أحلامى .. شُوف على كده من كام سَنه
أحلامى خِلصت و إنتَهت .. و مِش باقى مِنها إلاَ انا
قَصقصْت أحلامى يوم بعد يوم .. و لا بيصعب عليك منها أى يوم
دا يِظهر العِشره عَليك بتهون .. ولا ينفع عِتاب ولا حتى لوم
وآخر حِلم دَه قَصيته إتنين .. حِلم فى القَلب و التانى فى الغِيب
و هُما الاتنين حِلمين طَيبين .. بس مَافَضِلش مِنهم غير قلب حَزين
كاتم جواه جَرحُه الدَفين .. و بيضحك من غُُلبه و يدارى الانين
و الحِلم جواه لساه مش مُستحيل ..مِستنى من بِعيد و مَادد الادين
نِفسه يعيش فى دُنيا المَجانين .. أصلُه مش عَارف يروح لِمين
دا مِن بعد ما جَرحُوه الناس الطيبين .. رجع من تانى يِعيش حَزين
10 comments:
يوم ما هرب مني حلمي
ضاعت حاجات كتير مني
ومن وقتها وأنا مستني
حلم جديد يداعبني
عشان ما يضيعشي ويضيعني
ماحدش هيسرق حلمي
ماحدش هيقدر ييتمني
لازم يعيش غصب عنه وعني
ولو مقدرتش وعاندني
هيكمل ورايا ابني
مدونتك رائعة.. تحياتي
بذرة حِلمك لما تموت
مابيعيش وراها ولا صوت
أشكرك على أبياتك الجميله
و تشريفك لمدونتى الفقيره
حلوة علي فكرة
زي ما قلت لك
بتفكرني بأغنية منير
عارفاها طبعا :) و لا لحقتي تنسي
كلام جميل جدا يا كارول و أتمني لكي تحقيق أحلامك الجميله بدون أي مقصات
تحياتي لكي
Karakib:
هو أنا عارفاها :)) بس نيسيتها
هى أصلى فيها دِبله و ساعه , و سجاير وولاّعه :)) وانا مش بدخن
اشكرك ;)
---------------
micheal
أشكرك على هذه الامنيه الرقيقه
و أتمنى ألا يرتطم أحد بأى مقص
حلو تعبير مقص الأحلام ده
عجبني
مدونة ممتازة بجد
تسلم الايد اللى كتبت
Pianist
merci yafndem da bas mn zo2ak :)
-------------
abouomar
أشكرك, و ربنا يباركلك فى (عمر افندى) باشا :)
يا لهوى
هيه الرقابة وصلت الأحلام
!!!!!!!!!
شكسبير
أكيد, أصلها أحلام بسيطه
واضحه و صريحه
بدليل إنها مكتوبه كده بدون خجل
لإنها بريئه, شكرأ لمرورك
و مدونتك على فكره هايله
Post a Comment