يا فُرشه و رسمتى بلون الورد
يا فُُرشه و رسمتى بلون الورد رسمتى جوايا فرحه شَقيه
رسمتى بسمه بسعاده وحب
و كلمه صافيه من جوه القلب
دى الفرحه بسيطه .. بس جميله
يا سلام لو تِفضل فى قلبى شويه
كنت أجرى و أطير فى الدنيا ديَه
و ألمس النجوم لأ.. كمان شويه
و أملا الكون بأجمل لون
لون القلب الصافى الحنون
آه لو يستحملنى زمانى شويه
و القدر ينسانى الايام الِى جايه
دانا أكون أول إنسانه
بالكلمه مُكتَفيه
26 comments:
كلام بسيط وجميل.. طالع من القلب
إلا قوليلي إيه معني إسم مدونتك؟
خدعونا حين قالوا لنا أن الكبار يحلمون الاحلام الكبيرة
فأنا مثلك تسعدنى الاحلام الصغيرة بل صدقينى أنها لها تأثير السحر فى نفسى
قنديل في قلبي
أولا أشكرك , هو أنا بس كان نفسى أكتب كلام فيه فرحه شويه
:)) أصلى ناس كتير وصفوا كلامى بالكئابه
و أشكرك على إهتمامك بمعنى أسم المدونه
هو أنا دايما برمز لنفسى بالنقطه
MooD = حاله , DoT = نقطه
حاله نقطه = حاله كارول
maged stephen
أصلى الاحلام الصغيرة بسيطه
و البساطه يعنى البراءة
يعنى الطُهر والنقاء و الفِتره السَليمه
أشكرك على رأيك الجميل ده :)
ما أجمل أحلامك و أرق احساسك
تحياتي لكي
micheal
شكراً يا فندم :)
حلم بسيط كلنا بنحلم بيه... عايزين الفرحه تستني شويه... بساطة كلامك تخليه يدخل القلب
سلامي ليكي
reri
هو كده
الكلام إلىِ خارج من القلب .. بيدخل للقلب
وانت بساطة سلامك وكلامك دخلوا لقلبى :) نورتينى
بوست اكتر من رائع بيدعوا الى التفائل اسلوبك رقيق واحساسك عالى بجد ممتاز ...........سلام
الأرمـوطــي
انت بس إلىِ حظك حلو
و قرأت ده بس :)
أشكرك على كلامك الجميل ده
كلام بسيط ومعبر
تحياتي
ibn nasser- ابن ناصر
أشكرك يا ثورجى :)
طيب ما هو البوست كله امل، أمال إيه الإشاعات اللى أنا سمعتها دى؟
أعجبت بالبوست بتاعك، أيوه كده خللى عندك تفاؤل و أمل
BeLiEvEr
لأ,اصل حضرتك ماشوفتش البوست إلى كان مكتوب و لغيته كان عكس كده
تماما,كانت لحظه يأس وعدت
:)) ولاّ لو كنت شوفت بقيه المواضيع القديمه .. أجمل تفاؤل و إشراقه
شكراً لمرورك, نورتنا :)
أنا قلت لك رأيي فيها ... بس مش هنا
رقتك ما تتوصف
معانيك كلها رقة وجمال
اتنى لك فرحة طويلة ما تنتهى
Sokomonoce
أشكرك على الكلام الجخيل ده
بس هى أصلها حاله مثل أى حاله بيتعرض لها أى إنسان
ممكن فرح و ممكن حزن
بس إنت إلى حظك حلو و قرأت البوست ده فقط :))
مدونتك هايله .. بالتوفيق
الله
جميلة جدا
بجد اشكرك عليها
د. خالد عزب
كلام رائع
من القلب للقلب
لي عودة بأدن الله \فالمدونة بشكل عام رائعة
daktara
العفو.. بس شكراً على إيه بس علشان الزهايمر عندى عالى شويتين
هو لو فى كلمه شُكر
فأكيد ليك يافندم على كلامك ده
و أشكرك بجد وجد :)
اخيرا لقيت خواطر وكلمات مبتسمة للحياة
كل اما ادخل مدونة القى كلام بائس وخواطر تعيسة ومؤلمة
كلامك جميل ومفرداتك رائعة
دمتى بكل خير
linda
هذا هو نفس شعورى عندما قرأت كلامك
فأنت تملكين إحساساً عالى
يصل إلى داخل القلب دون أى مجهود
و سعيده بتشريفك لمدونتى الفقيره :)
و تنوريها فى أى وقت
بالتوفيق
كلام لوجيك
هو ممكن أسيب البوست ده فى الاول على طول :))
بس أجمل حاجه إنك لم تقرأ باقى المدونه :)))
بس كده أحسن ..أصلك هاتغير رأيك تماماً :)))
معلش أصلى أنا أولهم و لستُ منهم
كئآبااااااااااااااااااااا
:))))
نورتنا.. إبقوا تعالوا زوروناا .. باى باى :))
الله عليكى زعلى كلامك
وعلى موسيقتك
الوردة السوداء
بالعكس.. انا إلى إتفجئت بالبلوج بتاعك
أكثر من رائع
أشكرك على رأيك الجميل ده
و نورتينى.. بالتوفيق
WHISKEY PUZZLER
No comment.. u r w
Post a Comment