يا عٌمرى يابن اللذينه
يا عٌمرى يابن اللذينه
بتجرى كده ليه !؟
هو فيه إيه ..!؟
مِستعجل ليه على طول !؟
ماتمشى يا سيدى بالمعقول
شاددنى كده وانا غلبان مِسكين
وعمَال ترميلى يا عٌمرى فى سنيين
والآ ما تجرى
برضٌه لسه صٌغيرين
بالرغم من هموم السنين
والحٌزن إلى جوه مٌستكين
برضه هافضل صٌغير
حتى لما اكمل الثلاثيين
27 comments:
كلام فى الصميم، أكتر حاجة بتخليه صح هو دوامة الحياة و روتينها، الساقية اللى مربوطين فيها و مش عارفين نهرب منها. السلسلة اللى مكلبشة فينا و عايزين نجرى بعيد عنها.
قد إيه مسئولياتنا و خوفنا من الزمن بيخلينا نضيع وقت أكتر و أكتر.
عجبتو لكا يا زمنون :)
افتكر ان ده سبب ادعى انك تستمتعى بحياتك اكثر من كدة لان العمر بيجرى
مهما حاولتى توقفيه هيجرى اكثر
الهموم ما هى دى طعم الحياة كلها هموم مش عاجباكى ارميها البحر قدامك واديها ظهرك ولا يهمك
فيه اللى يشيل عنك همومك مهما ثقلت او كثرت واتعقدت مستعد يعمل كل حاجة تتصوريها او مش ممكن تتصوريها فى ايده التراب بيكون دهب والشوك بيكون ورد وازهار تعتقدى انك ناسيكى؟
ابدا .......مش ممكن ينساكى خصوصا انتى... عارفه ليه؟
لانك غاليه عليه جدا
نفترض تلاتين او ستين كلها اعداد لا توحى بشيء اكثر من مرور الزمن اما وجودنا فى الحياة مرهون باللى عملناه فى التلاتين او المائة
انتى بتحبى عمرك جدا بس كمان صعبان عليكى انه ما فهوش اوقات سعيدة كثير زى ما كنتى عايزة معلهش ده مش معناه اننا نتضايق انه بيعدى لكن نحاول نغير من نظرتنا ليه المرة دى ونستمتع باللى جاى بعد كده اكيد ممكن يكون افضل من اللى فات.
تصدقينى او لا لكن لما قرات البوست وتاملت الصورة حسيت فعلا انى محتاج اكون هناك قدام النهر ده وارمى فيه عمرى كله اللى فات وابتدى عمر جديد بشكل تانى نظرة جديدة ماكنتش شايفها قبل كده انت كمان حاولى تعملى كده بس لو سافرتى بجد ما تنسيش تاخدى معاكى الكمبيوتر بتاعك علشان تكلمينا وتوصفلنا اللى انت شايفاه ومستمتعة بيه
ما اوصكيش ابقى اعزمينا على عيد ميلادك التلاتين وما تطنشيش التورتة وليكى عندى هدية حلوة لو عزمتينا
اﻷيام بتجري بطريقة غريبة
والسنين بتتحسب علينا وإحنا لسه معملناش حاجة
المشكلة إنه ممكن زي ما اللي فاتوا جريوا
كل اللي جاي يجري زيهم
لازم الواحد يفوق ويلحق يعيش
تحياتي
يامجرى ريق القلم على ورقه م الدفتر
اوعى لكلام خداع قبل الميعاد يفطر
خليه يكمل صوم لحد سبت النور
لو قش هوه ببنت بالتالته هيبصر
(ملحوظة) خلفية مدونتيْك "سوداء" رغم "زرقة" عينيك!!
هناك "حزن" ما مختبئ وراء كل كلمة تكتبينها وأيضاً في رسمك (في المدونة الأخرى) رغم أن اسمك يذكرني بترانيم عيد الميلاد السعيدة!!
ممكن يا كارول.انا شايفة ان الزمن يصلح الاشياء ....سنتين و اكمل ثلاثين و انا اسعد اليوم عن بداية العشرينات او على الاقل اهدأ
اما انتي يا جميلة فمتخفيش من الزمن ...الزمن حيعطيك حجات جميلة ثانية لكن لازم احنا تعلم نعيش اللحظة و نستمتع بيها
تحيااااات
:)
كلام جميل شعرت فيه برغبتك بالاستمتاع بكل يوم في حد ذاته
تحياتي لكي
نعم تمسكي بالحياة
باستمتاعك بها
فهي بلا قيمة بدون احساسك بها
بدون الاحساس بقلوب من حولك و التفاعل معها
بدون الاندهاش ... الأطفال فقط هم الذين يندهشون بكل شيئ جديد
تمسكي بها حتى لا تجري السنين
أعطي قيمة ليومك
للدقائق.... للابتسامة... للصدف... لحبات الرمال... للسحب المسافرة... لغروب الشمس
لكل شيء
........
طولت عليكي :)
عجبني أوي موود التحدي "برضه هافضل صٌغير حتى لما اكمل الثلاثيين"
إحتراماتي
Misho
و عجبتو له أنا أيضا
أعلم أن كل هذا طبيعى
هذه هى الدنيا
ولكن فقط أشعر بالموفاجئه
كلما ركزت معها
شكرأ يا ميشو
أخى الدائم الحضور :)
Sokomonoce
كلامك يعطى أمل جميل .. أشكرك
ولكنى لست ممن يحبون عُمرهم
فقط يكفينى أن أعيش يوم واحد
فى سعاده ورضا, إن دهشتى من عُمرى
ليست بغريبه, لأننى مًستعده لهذا اليوم
ولكن دهشتى من سرعة مرور الزمن
نحنُ جميعا نًصدم بهذه الدهشه
فى اّخر كل عام و مع بدايه العام الجديد
كل واحد يقف أمام مراّة حياته
و يعطى لنفسه كشف حساب
ياريت كان من السهل على الانسان
أن يلقى بهمومه خلف أذنه حتى :)
و لكن بنعمة ربنا .. نستطيع كل شىء
أشكرك على حضورك العزيز
و أكيد مش هاطنش التورته ;)
بعتذر على الرغى ده
بس براحتى .. مدونتى و أنا حُرة فيها :))
The Alien
معاك حق
شكرا على الزياره
تحياتى لك أيضا
حقى اهرتل
على فكره كلامك جميل
وأنا بتابع مدونتك .. متئلائش :)
تحياتى
Aladdin
أولا شكرا على حضورك و ملاحظاتك
ثانيا الخلفيه السوداء
تنفع فى الايام الايام البيضاء :))
إن الخلفيه سوداء فعلا
ولكن لكى توضح كل شىء
كتابه كانت ..أو صور
ولكن كل كلامى بألوان فاتحه زاهيه
و ليست كئيبه ..كفايه الكلام كئيب :))
ثالثا من المعروف أن الكتابه أو الرسم
بيعتبروا نافذه داخل الانسان ليُخرج
من خلالهم كل ما يشعر به
أحيانا يكون الرسم .. أو الكتابه
أبلغ و أسرع فى الوصول للناس
عًذرا إذا كان كلامى يحمل كثير من الحزن و الكئابه .. ولكن كلامنا يمًر بفترات صعبه فى حياته
شكرا .. لإهتمامك
تحياتى
Nada
دائما :) ندى الصباح الجميله
إسمك و حضورك يكفينى لأشعر بالامل و الاشراقه .. على فكره
عجبانى جدا فكرتك الجديده
أنا كنت عندك .. و هاجيلك تانى ;)
:) نورتينى يا جميله
micheal
فعلا .. أشكرك
تحياتى لك أيضا
Carol
إن أجمل صًدفه هى توئمة أرواحنا
وليست أسامينا فقط
أنت ائما تًترجمين ما أشعر به
بمنتهى البساطه و جمال التعبير
تحياتى يا أُستاذتى
و صديقتى و توئم روحى :)
نورتينى
قنديل
أشكرك, بس أنا عيله فعلا :)) هانكر ولاَ هانكر يعنى
و بعدين أنا لاغيه التوقيت الزمنى من حياتى
إلى يقول .. يقول
فى حالتين الانسان بيمًر بيهًم
دون إرادته أو إدراكه
الميلاد و الوت
لا نعلم شىء عنهم
متى .. أو لماذا
بيسعدنى دائما زيارتك
إحتراماتى لك أيضا
بجد شكرا لكل من شاركنى هذه الدهشه الغريبه , ولو حتى بدون تعليق
و بعتذر بشده على كلامى ذو اللون(Made in Egypt)الغامق ده , أصله
;)
فأنا لجئت للكتابه
فقط لكى لا أًحمل أحد همومى
:)) بس يظهر إنى بحمل الناس كلها كده
بعتذر مره أخرى
و أتمنى أن أكتب هلاوس جديده
بلون جميل فاتح إن شاء الله
على فكره .. تم بحمد إلله فتح معرض الفنانه الفقيره (أنا يعنى )و اتمنى أن تشرفونى بالزياره الجميله
بلوجوكوا و مترحكوا :))
بس متتخدوش من رسمى
دى كلاها هلاوس و ميسيرها تعدى:))
http://freepainting.blogspot.com/تعالوا زورونااا .. باى باااى :))
حلوة منك يا زغنونة
كانت زياره جميله لما سمعت وداني الصوت الجميل الحزين رغم فرح القلب المليان بحب الناس نفسي لو اقدر امسكه في ايدي واشيل منه التعب لكن للاسف هو لازم يكون هناك مطرحه مش لازم حد يمسه
تفتكري العمر ده ببلاش
اكيد لاء
ده تمنه غالي قوي
خساره يضيع كده من غير فايده
بعد التلاتين
والخامسة وتلاتين
والأربعين كمان
كلها حاجات بسيطة يا كارول :)ا
تحياتي
maged stephen
شكرا
Anonymous (1)
غريبه..!! مع إنى ماغنتش :))
يا فندم شكرا على الزياره
و إهتمامك .. بس هو فعلا
هو لازم يكون هناك مطرحه مش لازم حد يمسه ..علشان القطط تعرف تاكله براحتها :)))
ربنا موجود
تحياتى
Anonymous (2)
إحنا بنعمل إلى علينا
و الباقى على ربنا :))
أغرف قيمه العًمر جيدا
و هذا سبب من أسباب
حًزنى على ما مَر منه
دون أن أدرى
تحياتى
film69
يااااه ..!! وانا إلى كنت خايفه
لا يجمركونى و أنا داخله على الثلاثين :))
طيب كده مافيش قلق بئه
هى فعلا كلها حجات بسيطه..و أكبر ;)
تحياتى و شكرا
على زيارتك الجميله :)
Post a Comment