والله لو عَملت إيه
والله لو عَملت إيه
لو حتى مشيت على الحيط
ولاّ رًحت و جيت
لو بصيت عليك و قولت كل إلى بيك
و حتى لو صَرخت بعزم ما فيك
و شوحت بطول إيديك
عًمرك ما هاتوصل لشىء
طول ما الجِبال عالية حواليك
طول ما الصمت فى عينيك
والسلاسل مِكتفه رجليك
ما انت لو كان ليك حَد يواسيك
ما كان الزمن يلاطش فيك
إسمعها حِكمه من المجانين
ما تسلمش عَقلك تانى حتى لو كان لمين
بدل ما تعيش كده فى التوهه سِنين
وكاس المًر يا حلو تشرب منه بَرميل
إنت لسه مستنى تعرف و بعدين !؟
ما خِلصت الحكايه على كده .. يا ابو مًخ تخين
33 comments:
كلام في الصميم يا كارول
تحياتي لكي
معلش يا كارول سامحيه المره دي
عيل وغلط
أنا أعرف ناس لو اتجننوا هيعقلوا
كلمات قوية فى معانيها
جميلة فى تحديها
قوية فى نهايتها
احييكى بشدة
micheal
شكراَ على حضورك الدائم .. تحياتى لك أيضا
=============================
قنديل في قلبي
العكس صحيح .. بس علشان خطرك إنت بس
لأ :)
maged stephen
يعنى أنا كده أعقل واحده !؟ :))
معتقدش فى إختلاف كبير
ولو إن عقلى مافيش خطر منه :))
شكراً لمرورك
==============================
كلام لوجيك
أشكرك بنفس الشدة :))
تحياتى :)
صدقينى يا كارول
العقل زينة فى البترينة
كارول
أنا عملت مدونة جديدة اسمها المرأة والرجل
وطبعا مستنى رأيك
maged stephen
:))
ممكن بس ده لو كان موجود أساساَ :))))
و أنا شوفت مدونتك الجديده .. مبروك
:)) و عقبال ما تخَويها بالبوستات كده
فى البدايه انا ليه الشرف انى اكتب كومنت عندك
وثانيا انا ابدى اعجابى بالقصيده دى
والله جميله جدا
والرساله اللى فيها وصلت
واسلوبها رائع
وفيه حده
ولوم
وكلام جميل جدا وفى النهايه سلامى وربنا يوفقك
الســـاحر
:) شكراَ جزيلاَ
و بالتوفيق أيها الشاعر
ايه ده
ده فيه واحد بيتهزأ ؟
:)
فيه عمليات تغيير تخسيس مخ
في حالة اذا كان " تخين " يعني
;)
تحياتي
ههههههههههههه جامده أوى
والله انت تحفة بجد
الكلام جميل جدا هو ده الواقع اللى كثير بيهربوا منه
لو كل واحد اعتمد على نفسه اكيد ممكن يعمل حاجة ولو بسيطة
يعنى الجبال احتمال تكون من زرعنا احنا اللى حطيناها حوالينا والسلاسل ممكن يكون احنا اللى ربطنا نفسنا بيها
يبقى كده ما ينفعش حد يواسينا
العقل ده نعمة كبيرة لو استخدمناها عمر حد ما يعرف يشغلة غيرنا
لكن استسلمنا هو اللى مخلينا دايما لورا ماشيين
وبعدين نقول الظروف هى اللى عملت فينا
يا ترى لما انت شوفت كاس المر مسكته فايدك ليه رفعته لفمك ليه
اديك دقت تقوم تشرب من البرميل؟
لازم نفوق ونصحى لنقسينا لان ما حد عمره ما يساعد واحد بيغرق نفسه
ولما انت متضايقة منه بتكتبي له ليه ؟
ibn_abdel_aziz
شىءُ من هذا القبيل
تحياتى لك أيضا
------------------------
wa3d-el3yoon
فعلا.... الحمدً لله :)
شكرا لمرورك
Sokomonoce
مع كل إحترامى وتقديرى
لكل من كتبَ تعليك
على هذا البوست
ولكنك أول من أدرك
أننى أخاطب نفسى وليس الآخر
تحياتى
karakib
هل هناك ما يمنع الانسان
من التخاطب مع ذاته!؟
يسعدنى مرورك
حتى إذا كان فيه شىء من التَهكًم
الله ايه الجمال ده
جميله اوي القصيده ديه
شكرا
حلوة قوى
كارول
سلمتي
ما تسلمش عَقلك تانى حتى لو كان لمين
بدل ما تعيش كده فى التوهه سِنين
تعبير اتضامن معك فيه قلبا و قالبا
تحياتي
مساء الخير
دي زيارتي الاولي لمدونتك وجه حظي علي بوست المجانين احيانا يبقي عدم الفهم والجنون افضل لان التفكير والفهم ممكن يحرق الدم
احييكي
farafesh
الشًكر لك و لحضورك
________________________
Baher
أشكرك يا فندم ... هذا أقل يأس عندى :D
Nada
نورتينى بتشريفك الجميل و بالتعليق الاكثر جمالا
تحياتى و ياريت تنورينى دايما :)
هو من الاخر يستاهل
sendbad
مساء النور
تسعدنى زيارتك و أتمنى تكرارها
تحياتى لك أيضا
semsem
بس هو البوست ده بكلم فيه ذاتى
بس سيبك.. إنت منوره
تحياتى
ياساتر يارب
طب متزقيش
:))
film69
المخرج الكبير عِندنا
يا مرحبا يا مرحبا :))
حاضر , بس الشِده مطلوبه أحيانا :)
ياتى يا فنان
انا كنت من غير الصحاب صاحب قلق
وكنت عايش ف الحياه ع المفترق
مين اللى قال انك هتقدر تنتفض
من غير ما حد يشد ايدك م الغرق
حقى اهرتل
و ماله ماحدش هايمنعك تهرتل:)
على فكره عجبتى و تركتلك تعليك عندك
شكرا لمرورك
همممممممممممممم
جميل بجد بس فعلا العقل لةو اتسلم خلاص
شكرا على مرورك
تحياتى
Post a Comment