ما تقول يــا رب
هاتفضل تشكى و تًصرُخ لمين !؟ .. ماتقول يــا رب بَطْل تجرى شمال و يمين .. قول يــا رب
رَبك ده وحده عارف بالغيب.. و من غيره هاتتعب
هو بس سامع للأنين .. و بكُل كَرب
إرفع قلبك و معاه إيديك .. و إدعى يـا رب
هاتجرى و هَتوصل لحد فين .. من غير الرب
و حًزنك إلىِ فى قلبك و دمع العين .. دى تجارًب من عَند الرب
هو وحده إلى مادِد إيديه و بيحمِل عنا كًل التَعَب
18 comments:
ربنا سامع لكن كمان عايز يعرف اد ايه ممكن نصبر ومش ممكن ابدا يسيبنا نقع اكيد فى الوقت المناسب يمد ايده صحيح شايفين انه اتاخر لكن هو شايف وعارف وحاسس
ربنا يشيل عننا ويريحنا من الم
اكيد هو شايف وعارف
عارفه ان مستنى يسمع صوتك خلاص كلميه ما هو موجود علشان يسمعنا
بس كمان هو اكيد بيسيب حد ممكن ساعات يساعد شويه علشان يعلمنا نحب بعض ونساعد بعض
تفتكري انه ممكن يسيبنا من غير ما يسندنا اي انسان حتي لو بكلمه؟
اكيد هو بيبعتلنا حد حتي لو ما نعرفوش حتي لو كان كلب في الطريق اكيد ممكن يبعتلنا رساله يقولنا فيها حكمه نفهم منها قصده
علي قد ما الانسان بيحس انه وحيد لكن بيكون ربه جانبه حاسس بيه وسامعه بس بيسيبه يعتر في اي شيء في الطريق اكيد هيتعلم منها حاجة او جايز يكون محتاج مننا حاجة
ما تخافيش هو سامع وشايف لكن احنا مش شايفين
ليه دايما بنرمي اللوم عليه ونقل انه مش سامع
اكيد هو سامع وعارف وشايف ان الحمل تقيل علينا لكن مش احنا اللى اختارنا الحمل واحنا اللي شيلنا بنفسنا؟
يبقي ليه نحمله ذنبنا؟
وبعد كده نشتكي ليه يارب؟
مش يمكن يكون باعت لنا حد يساعدنا او يشيل عنا حملنا؟
لانه عارف ان مكن الاخوات يساعدوا بعض بغض النظر عن امكانيات كل واحد فيهم لكن طالما ممكن يساعدوا بعض ليه بقى نستنى لما هو يشيل عننا حملنا رغم اننا اللي شيلنا لنفسنا
مش شرط انه يرفع عنا الحمل لكن ممكن قوي يساعدنا بانه يكون فيه جنبنا ناس تانيين يساعدوانا في حملنا
لازم ندور في اللي حولينا ونشوف مين موجود بيساعدنا من غير ما نعرف ليه جم هنا او ازاى عرفوا طاريقنا دي حاجة بتاعة ربنا بوجدلنا اخوات لينا يقفوا حنبنا
ولا انت عايزاه هو اللي يجي يشيل حملك؟
اكيد يبقي طمع كبير لكن جايز لانه مش بيسيب ولاده يتغزبوا لانه بيحبهم
عزيزتي كارول
طالما ربنا هو اللي خلقنا يبقي اكيد لو لجأنا له مش حيخذلنا حتي لو خذلنا جميع الناس و تخلوا عنا المهم نقرب منه بجد و ندخله في حياتنا و مانبعدش عنه
بشكرك علي الكلمات المعبره عزيزتي
:))))
يااااااا رب
يا رب
زي ما بنفكر في وقت التعب و الازمات في الله
ممكن كمان نفكر في كل وقت
كيف نجعل الله يبتسم!!؟
يارب.. يارب.. يارب
يارب نفوق بأه
كتير أوى بأتأمل فى الكلمتين دول
يجرح
و
يعصب
وطبعا أنتى عارفة الباقى
Sokomonoce
أتفق معك
أنا أعلم أن الله يعطى التجربه
لكل فرد حسب قوة إحتماله
فاليرحمنا الله من التجارب
أشكرك على كلامك
الجميل .. تحياتى
Anonymous >> 1
بالعكس, كٌل ما كان الإنسان بيتمتع
بقوة إمان عاليه
كٌل ما إستطاع أن يرى الله فى كٌل من حوله .. كل شىء و أى شىء
فعلاً , ربنا بيكلمنا عن طريق كل شىء
يعنى هو بيبعتلى رساله أراد أن يٌعلمنى بها عن طريق كلامك هذا
بشكُر ربنا و بشكٌرك :)
Anonymous >> 2
إسمحلى أن أستعير كلمة
قالها البابا شنودة
لما تتركه فى نفسى من أثر جميل
قال: الذي يرى أن قوته هيَ اللَّـه نفسه ، لا يتكل على ذاته ومواهبه وذكائه وإمكانياته ، ولا يتكل على ذراع بشري . إنما يكفيه اللَّـه وحده ، يحارب به ، وينتصر به ، ويقوده الرب في موكب نصرته
الفكرة , إننا كتير بنتوه فى الدٌنيا و بننسى نقول يا رب أو بنقولها بس مش من القلب
:) تحياتى .. و ربنا معنا جميعا
اجندا حمرا
فعلا , أهم حاجه إن ربنا يكون فى كل شىء فى حياتنا
قال البابا شنودة أيضاَ
إذا دخل اللَّـه في عمل ، دخلت القوة في هذا العمل . ودخلـت فيـه البركـة ، ونجــح
أشكرك يا جميله على كلامك
تحياتى أنا أيضا :)
A.SAMIR
يا رب .. دى دعوه منك لربنا
ولاَ بتدعى على حد !؟
:))
شكرا على الزيارة الاولى
و أتمنى ماتكٌنش الآخيرة :)
micheal
سعيدة بزيارتك دائماً
و يا رب تدعو من أجلى معك
تحياتى :)
Carol
:) دائماً تٌعجبنى روحك الجميلة
و دائما يعجبنى كلامك
فعلاً, لو فكرنا كيف نجعل الله يبتسم
سوف تتغير أشياءً كثيرة
تحياتى يا أستاذتى ;)
قنديل
مش عارفه ليه يا قنديل
عندى إحساس بإنك مُستاء منى
أو من كلامى بمعنى أدق :))
ولكننى أعلم أن شٌغلك الشاغل هو ذالك الوطن .. يا رب يتحقق ما بداخل كلاً منا
دائما منور يا قنديل
تحياتى :)
maged stephen
لانه هو يجرح و يعصب يسحق و يداه تشفيان
من أجل ذلك لابد أن نقول.. يارب
:) شكرا.. على مرورك
و على التأمُل الجمبل
تحياتى
Post a Comment