حبة زَعل
زعلان على حلم كان و كان !!؟
و إن قلبك لساه غلبان !؟
زعلان إن عٌمرك جرى طيَران !؟
هاتٌصبر من تانى .. ماخلص المشوار
دى لوحه و إترسمت بلون الحنان
قسمتها إيد بسلاح بتار
حولت من تانى كٌل المسار
هاتقبل من تانى تتحمل الإنتظار !؟
ما انت شايف .. فى ثانيه بيطلع قرار
و ترجع من تانى تعلّىِ الجدار
ما هو غصب عنى .. سرقتنى أحلامى
و كأنى عايشة جوه عالم تانى
و أفوق من الحلم و أصحى
على نفس أرضى و زمانى
و أرجع من تانى تصعب عليَا نفسى
ياما نِفسى أقفل عليا بابى
و اسكٌت و محلمش من تانى
كفيانى وجع قلب و حيرة
دى أحزانى كتيرة و مكفيانى
عارفه إن الدٌنيا صعبه
بس الأصعب .. إنى أنسى أحزانى
مع إنى ناسيه الدنيا و كيانى
و عايشه الدٌنيا للناس.. مش عشانى
بس شاطر يا زمانى
عرفت تسرق منى أحلامى
و بقوة و ثبات .. تًقص شُريانى
تفتكر نبضى هايضرب من تانى !؟
18 comments:
و مشينه و مش سامعين حد حوالينه
و بقى بينا كلام و وعود حاجة أقوي من أي شئ معقود
حاجة مش ملموسة
حاجة أغرب من حاجة محسوسة
تحس بروح حواليك تحس بشئ دايما يناديك تحس بكيان جوه كيانك
مش عارفة أقول
مش عارفة أعبر
حاجة جواك عمالة تكبر
و شويه شويه
نبيدى نسمع الكون من ثاني
الأول تبتدي بأغاني
و بعدين كلام و حوار و كاني و ماني
و كل واحد فاهم نصفة الثاني
و تشوف طباع بتتفسر
و تحس نفسك بتتبعتر
و تكش
قلقان غيرك من روحك يقوش
و تحس نفسك أناني عايز ترجع لعالم أحلام و أماني
بس مش هتعرف عشان هو كده طباعه كده و تحس حياتك متكركبة
و أرجع أسال ثاني تفتكر ممكن تغير إنسان من جوه ؟
تفتكر ممكن تغير مصيره هو؟
==============================
تحياتي لك دائما :)
ايوه هيضرب من تانى صحيح مش زى الاولانى لكن هيضرب جامد ويقول اللى كان نفسه يقوله بس المهم يكون عنده فرصه يقول حتى لو كان شويه زعل لكن هيروح لو كنا عايزينه يروح مش مجرد كلام لكن افعال محتجة قوه جوانه مخبينها ليه من نفسنا لكن هى موجودة محتاجة فرصة
نفسى لو ممكن اشيل الملايه من فوق اللوحة ويبان الشمس الخبيانه جوه اللون والرسومات تدفى القلب من تانى يدب فيه الروح من تانى يعيش انفسه زى ما عايش لغيره لانه هو كمان محتاج حنان زى ما بيدى ياخد علشان يدى اكثر
حبايبه كثير ومحتاجينه دفيان ومنهم اللى نفسه يقرب منه وياخده فى حضنه لاجل ما يحميه من نبضه وما يسكتش من تانى
اد كده هو محتاجة اخوات ان كان او اصحاب لكن هو عارف ان مش زى زمان لكن جواه حنان ومكان حتى على الاقل اخوات هيبقى كافيان بمجرد فكره من وقت للتانى
صدقينى هو كمان جواه حاجات من زمان لكن لازم يعيش لاجل ما يقدر يكمل مشوار حتى لو كان مرغوم عليه لكن مشوار ولازم ينتهى لانه مش بايده ده بايد الرحيم الكبير اللى ما يرضى ابدا ان ولاده يعشش جواهم جحور ومغارات لكن شمسه كبيره تغطى الكون
ربنا ما يجيب زعل تانى لكن افراح حتى لو كانت من بره شويه لكن ممكن يتعدى منها الخبيان
ليه كل واحد جواه احزان بيدور ازاى يكتمها جواه
ليه كل واحد شايف نفسه عنده احزان اكثر من غيره
ليه كل واحد فاكر انه الوحيد فى الدنيا اللى الدنيا بتديله على قفاه
الدنيا بتخلص واحنا لسه زي ما احنا
لا اتقدمنا خطوه ولا رجعنا خطوه
ليه نعيش فى الاحزان والماضى وجروحة واحنا ممكن ننسى الدنيا بالليفيها ونعيش لحظتها بكل امانيها
ان كان فيه حلم ضاع مش مهنى كده ضاعت امانينا بالعكس
لسه قدمنا حلم ممكن نحققه
صحيح اول حلم فى عمرنا مش زى اى حلم
زى الطفل اول رضعه من امه مش زى اى رضعه تانيه
دايما لذة الحاجة وطعمها فى اولها لكن
هنقف قدام حكمة ربنا ونقول احزان؟
كارول رغم انى فاهم كويس جدا انك عارفه انى عايش احزانى جوايا لكن برضه مش معنى كده انها تفرض علىواقع مش حقيقى
واعيش جو نفسى لمجرد انى مش عايز اسيب الحلم اللى ضاع منى رغم انى ما فرطش فيه
بالعكس هو اللى فرط فى كل حاجة
وصحيح كمان ان كل واحد له حلمه
لكن صحيح برضه اننا ندور على احلامنا مش حلم واحد منها
انت قلت قبل كده ان الحلم هو الهدف
ان هو طموح
معنى كده انك بنسحبى من طموحاتك؟ عايزه تعيشى فى حلم واحد؟
لا......لا ياكارول
ما ينفعش
انت بالذات ما ينفعش لانك بتدى كثير لكل اللى حواليكى
ازاى تديهم امال واحلام وانت مش عايزه تسيبى الحلم اللى فات؟
ازاى البير الفاضى يقدر يروى عطشان؟
انت محتاجة تعيدى نظر فى كلامك وتسحبى انسحابك وتعلنى انتفاضه على احزانك
قاومى احزانك بامالك
قاومى نفسك بقوة ايمانك
انت قادرة تعملي ده لكن مش عايزه
قومى واكيد هتلاقى ايدين مدوده تشدد رجليك وتقدرى تطيرى فى سما الاحلام من تانى
مش بوعدك بحلم جديد لكن باقولك ان ممكن يكون فيه حلم صحيح جايز مش اللى ضاع ولا هو سد خانه وخلاص لكن اكيد ممكن يكون فيه حلم
وانت تقدرى تخليه احسن من اللى فات
فاهمانى؟
انت تقدرى
كلام جميل و صوره معبره جدا
تحياتي
عزيزتي كارول
صوره معبره مصاحبه لبوست اكثر من معبر و حساس
فعلا الحزن لما بيتملك مننابيكون ساعات صعب اوي اننا نتخلص منه و كأن له دوره لابد ان ياخذها قبل ان يتركنا
جميل ان البني ادم مايكونش اناني و يعيش بس عشان نفسه بس برضه في نفس الوقت لازم نحاول نوازن بين متطلباتنا و متطلبات الناس عشان ماننساش نفسنا و احلامنا
وجود الأحلام في حياتنا بيشجعنا علي اننا نواصل يومنا مش صحي اننا نتخلي عن احلامنا بس المهم تكون في حدود المعقول كي لا نصاب بالاحباط
بتمني ليكي تحقيق كل احلامك و بتمني لكي ايضا حياه موفقه مليئه بالأمل و السعاده و القدره علي مواصله الحياه مهما كانت قاسيه في بعض الاحيان
تقبلي احترامي و تحياتي لكي عزيزتي و بشكرك علي الموضوع المعبر
عندك حق
وبجد كلام في احساس عالي اوي
وبس بلاش زعل تاني
أنا نفسي بقي نكتب حاجة مفرحة.. وكل مرة أفتح مدونتك أقول في سري يارب ألاقي شوية بهجة.. لكن مأقدرشي ألومك ما الحال من بعضه
دمتي بخير
carol
أد إيه كلامك جميل
وصفتى حياة.. وحال ناس تعبنين
تفتكرى ممكن حد يرشدك
و يقولك الطريق منين ؟
حدسك و قلبك .. دول بعيونك ماشين
و أرجع أنا أسال سؤالك
تفتكر ممكن تغير إنسان من جوه ؟
دا أنا بتغير عشانه هوه
و ساعتها.. هو إلىِ هايغير مصيره من جوه
شكرا يا جميلة
كلامك بجد بيفرق معايه جدا
رسمتينى :)
Anonymous
بشكرك على كلامك
و تفاؤلك الجميل وصلنى
تحياتى
Sokomonoce
أولا شكرا جدا على إهتمامك
ولكن لى بعض التحفظات
عندما خلقنا الله أعطنا
نِعم كثيرة نشكره عليها
و أعطنا أيضا .. قلب و إحساس
ولكن لى سؤال
عندما تُكسر اليد .. فهى ستعالج
ولكن عندما تُكسر النفس
فما هو علاجُها !؟
حبة زعل .. مًسكن مؤقت :)
نعم اننى قولت أن الحلم
هو الهدف و الطموح
طبعا أنا مش فكره حاجه ده على كلامك يعنى .. الزاهيمر معلش :))
و أنا مازلت أقصد نفس هدفى
لان الأمل دايما فى ربنا
وليس فى أى إنسان
ولكنه ليس هو كل طموحى
أما عن البير الفاضى و إزاى يقدر يروى عطشان .. أقولك إن نعمة ربنا
هى التى تعطى الماء للبير :)
مازلت قادرة على رسم الإبتسامه
على وجوه الناس
;) أصلى رسامة
صدقنى .. محدش بيختار حلمُه
تحياتى
micheal
شكرا, دا مرورك هو إلى جميل
تحياتى لك أيضا
اجندا حمرا
أنا إلىِ لازم اشكرك
على كلامك الجميل و دعواتك الأجمل
أتمنالك كل التوفيق أيضا
تحياتى :)
ابراهيم عز الدين
أشكرك .. إدعيلى بس الدنيا تفتْح عنيها شوية و هى ماشيه بينا
بتخبط فينا
و شويه ترمينا
يوم تفرِحنا
و يوم تجرحنا
ولا إحنا عارفين ليه
على رأى أٌغنية عبد الوهاب
اللأكثر من رائعة
من غير ليه
تحياتى :)
قنديل
أولا, بعتذر عن مدونت أحزانى
أعلم إننى دائما أكتب كلام محزن و مؤلم
والسبب,هو إننى أتكلم هنا فقط مع نفسى
هنا أستطيع أن أصرخ عندما أريد
و أفرح عندما أريد .. بصوت عالى
ولا أخشى أن ينزعج أحد من صوتى
سامحنى إذا كنت دائما بخيب ظنك
من الصعب عليناأحيانا ان نبكى
ولكن الأصعب هو أن نضحك من القلب
هل تعلم إننا لابد أن نشعُر باّلام الناس لكى نشكُر الله على ما نحن فيه
وبعدين أنا ممكن أكتب حاجات مُفرحه
بس لما أستشف الفرحه من كلام سياتك يا فندم ;)
أصلى انا بفرح لما بحس إن الناس فرحانه
ربنا يعطينا جميعا الفرح و الرضا
متزعلش .. إبقه بس سَمْى و إنت داخل مدونتى .. و متنساش تدخٌل برجلك اليمين :)))
و لو لقيت حاجه كده ولا كده
;) إبئه طنْش .. دى كلها هلاوس
:) بيسعدنى دائما مرورك و حواراتك
بس بلاش دمتى دي
خليها جهينه :))
تحياتى
ماشاء الله عليكي
حلوه اوووي
دى لوحه و إترسمت بلون الحنان
حلوة اوى اوى الجمله دى مش عارف شدتنى اوى
والاجمل والاجمل هو فكره موضوعك
وفى النهايه سلامى
والحرب قااااااامت
ايوة الحرب
ياريت تزورينى
بالله المستعان
أشكرك .. ده بس من ذوئك
تحياتى
الســـاحر
يا فندم شكرا :)
إنت بس إلى فنان
أنا شوفت موضوع الحرب ده بس على السريع كده .. علشان الوقت مش مساعدنى
بس هاجيلك تانى
بس أول ملائى سيف أحارب بيه :))
نورتنى .. تحياتى
Post a Comment