مُتشكرين
ساعات بنتعشم فـ ناس بزيادة
و نفتكر إن سؤالهم مش مجرد عادة
و إننا بنفرق معاهم إن غبنا او إتنسينا
و نتوقع إن لمحونا فى مَره مكتومين
يهتموا و يحاولوا يريحونا بكلمتين
أو حتى يسألوا عن سبب التغير !؟
يمكن علشان حفظونا ساكتين
إذا كان كده .. يبئا إحنا المتأسفين
10 comments:
صح
معاك اوى
بس دة طبع ومش نقدر نغيره
بس رغم كدة بنبقى عايزين نحس باهتمامهم وعايزينهم يسالوا
دة اذا فعلا كنا نفرق معاهم
منكونش احنا موهومين
ان هما مهتمين
وان لو حصل حاجة هنلاقيهم قريبين
يارب يطلعوا صادقين
ميرسى اوى على الكلمات القليلة بس بجد جميلة اوى
تحياتى
تفتكرى هما فعلا حفظونا
ولا أحنا اللى اتعشمنا اكتر من اللازم ؟؟
dramaqueen
فعلا, أحيانا بنتوهم ذلك
و أحيانا آخرى
ننتظرهم .. ولكن نحبط سريعا
شكرا لكى على مرورك
و تعليقك ايضا
نورتينى :)
Sweet Violet
يجوز .. تعشمنا فيهم اكثر من اللازم
و هذا ما يجعلنا نحبط منهم سريعا
نورتينا بمرورك و تعليقك
:)
دائما احساسك رقيق
يترجم مشاعر انسانية عميقة
ليس من السهل البوح بها
أو الأعتراف بوجودها أصلا
شكرا على شجاعتك
فأنت تحيي المعاني التي تاهت وسط
الزحام
اللي يبيعيك متشتريهوش
:)
تحياتي يا كارول ومرحبا بالعودة
الناس اللى بيعرفونا عن حق لايمكن ينسوا
ومهما طال الزمن .. هم زى ماهم .. يمكن خايفين يقربوا تانى لأنهم اتألموا كتير
وبيحاولوا يحموا نفسهم من ألم جديد .. وبيفضلوا يبعدوا ويتألموا فى صمت .. واحنا فاكرينهم هجرونا .. مع ان لو فكرنا نكلمهم كلمة واحدة .. هانلاقيهم زى ماهم .. واننا واحشينهم واكتر
مش يمكن احنا السبب ؟ ليه دايما نلومهم وعمرنا مالمنا نفسنا
ليه دايما نفتكر اننا اديناهم كل حاجة
مش يمكن ماديناهمش اللى يسعدهم؟
carol
شهاده جميلة أعتز بها
ولكننى لم ارقى بعد إلى بساطة و قوة تعبيرك
فى كتاباتك أنتى
تسعدينى دائما ياقرينتى الرقيقة
بمرورك و إشراقة كلماتك
:)
micheal
للأسف لم أستطع أن اطبق المثل
دائما اقول
الله محبه
:)
يسعدنى مرورك دائما
تحياتى لك
Sherif
ولأنهم يعرفونا عن حق
يعرفون إننا سوف نسامح ولا نغضب
و لأنهم يعرفون قوة إحتمالنا و صمتنا
فإن لم يتناسوا فإذا هى قسوه منهم
ولأننا لم نعتاد على الكلام و الشكوى
إن جرحنا منهم و نظل صامتين
و كما تقول ربما نحن الموخطئين
يبئا إحنا المتأسفين
تسعدنى دائما بتعليقاتك
تحياتى
Post a Comment