هو انت فى الدنيا بتدور على وش !؟
هو انت فى الدُنيا بتدور على وش !؟ دا الدُنيا فيها ألف و مليون وش
وش يضًحك ووش يِبًكىِ
وش يساعد من غير مايشكى
و فى وش بياخد و مايفكرش يدى
قولى إنت و من غير ماتغش
قولى إنت و من غير ماتغش
هاتكمل حايتك كل يوم بوش ؟
طيب و فى الآخر.. هاتقبْله بأى وش ؟
18 comments:
جميلة جدا جدا
الله عليكى وعلى كلامك الفلسفى المبدع
قمة الابداع والتركيز
وخير ختام لما قلتى
طيب و فى الآخر.. هاتقبْله بأى وش ؟
الحقيقة التى لا مناص منها ابدا
فعلا الوشوش كتيرة اليومين دول ومعظمها مزيف او مصطنع او كداب
احييكى جدا على كلماتك الرائعه ومنتظرين المزيد
هي الدنيا كدا وإحنا معاها
شوية فوق وشوية تحت
وكل شوية وش
وإن يبقي مفيش غير وش
معتقدش
تحياتي
يا تري كام واحد خايف من آخر وش
كام واحد لا بيكدب ولا يغش
كام واحد بينسي ولا يفتكرش
كام واحد خايف من رب العرش
آآه يا قلبي
أحييك علي كلماتك البليغة
كلام لوجيك
يا فندم لا فلسفه ولا حاجه
;) انا كنت بجرب خطى فى الكتابه بس
أشكرك على متابعتك الجميله لمدونتى
The Alien
لأ, لم يستطع أحد أن يأخذ معه غير وش واحد فقط .. و يجب أن يقرر من الآن
تحياتى لك أيضاً
قنديل في قلبي
يا تري كام واحد خايف من آخر وش
ولماذا لا نخاف من كل وش نملكه
لماذا لا نمحو كل كذب و غِش
لقد نَحتَ الله لنا أجمل وش
ولكننا بِأفعلنا طمسناه بكذا وش
يُسعدنى دائما كلامك و تشريفك
لمدونتى الفقيره .. تحياتى لك أيضاً
انت فعلا قرينتي :)
أنا كاتبة حاجة شبه دي
:)
مستغرب ليه… شوف جواك موجود إيه… مش راضي تشوف مش راضي تحس مش راضي تضحك ولابس وش
الإنسان تركيبة غريبة تركيبة عنيدة مش من السهل تكتشف غموضها حاجات مستخبية و حاجات تبان قوية و حاجات من السهل تكسرها بعفوية
و ناس حطه وشوش أو رسمين نقوش أو لابسين طاقية لخفة عشان مايبانوش
و ناس متمسكة بعادات قديمة و ناس كل يوم تعمل جريمة
و في ناس بسيطة فسحتها شوية لب طازه و كوز ذره و اعده علي الكورنيش قال
يعني بتاكل وليمة
...
carol
:) nice post
carol
يا جميله
ده شرف كبير إنى أكون
كمان قرينتك فى الافكار
و لكن من الصعب ان اتوصل
لرقه إحساسك الجميل ده فى الكتابه
فأنا مازلت نقطه بجوارك أيتها الفنانه
الجميله .. و اشكرك أيضاً على إهدائك
هذا البوست الجميل لمدونتى الفقير
فهى من الآن لم تعد فقيره بعد
أسعدتنى زيارتك :)
فعلا عزيزتي كل واحد في الدنيا دي حتي و ان لم يعترف ماشي بمليون وش عشان بنخاف لو بينا وشنا الحقيقي قدام ناس معينه ممكن مايتقبلوناش زي مااحنا بس للأسف بنضيع وسط الوشوش و مابنبقاش عارفين في النهايه احنا مين وسط الوشوش الكتيره و الماسكات اللي بنحطها
بوست رائع و مدونه حساسه
تحياتي لكي
.حلوة جدا
وبسيطة
يعنى جبت من الاخر
كلام جميل و معقول..مقدرش أقول حاجه عنه
أهم حاجه فيه
طيب و فى الاخر حتقابله بأي وش
تحياتي لكي
اجندا حمرا
جميل إنى ألبس وش , بس علشان أساعد بيه غيرى مش العكس
بمعنى لو كنت فى حاله نفسيه
مش جميله, مش من الضرورى إنى
أعيش الناس نفس حالتى
فلازم ألبس وش >>> :)
أشكرك و تحياتى ليكى أيضاً :)
الوردة السوداء
أشكرك ولو إن لسه شويه على الاحر ;)
micheal
أشكر على متابعتك لمدونتى المتواضعه
و لا بد من هذا السؤال
طيب و فى الآخر.. هاتقبْله بأى وش ؟
تحياتى لك أيضاً
kalamek 7ekam :)
bas ana nefsy 2a3esh be wesh wa7ed
weshy ana
we howa dah 2ely ta3ebny
dr_lazeez
عيش ببراءه وفطرةالاطفال
و حكمة الكبار
و إثبَت على وش
شكرا على زيارتك :)
carol
عندك حق و اوافقك في الرأي لما الواحده مننا بتكون في حاله نفسيه سيئه بتحاول قدر الأمكان ان نلبس وش بحاله احسن من حالتنا النفسيه عشان الناس مالهاش ذنب انها تتقرف بقرفنا
انا شخصيا لما بكون في حاله نفسيه سيئه بحاول ابعد شويه عشان مازعجكش الناس
تحياتي ليكي و بحييكي علي بوستات الهادفه دايما
اجندا حمرا
أشكرك, ولو إن كلامى مًعظمه حزين
فكليماتى مجرد صدى لصوت الدًنيا
تحياتى لكى أيضا وشكرك على مناقشتك
الجميله :)
Post a Comment