يعنى هى كانت نأصاكى يا دنيا تِكسرينا !؟
يعنى هى كانت نأصاكى يا دنيا تِكسرينا !؟
داحنا ماشين معاكى بالتيله
تدينا من حنانك .. وفى ثانيه تِـئسى علينا
هو ده يعنى قدرنا والُى مَكتوب علينا !؟
ما تسيبينا فى ليالينا عايشين
فى حالنا و مع همومنا مِتعودين
يعنى إنت يرضيكى كده نعيشها مِستسلمين !؟
أحلامنا تتسَرسِب من بين إدينا ولا إحنا حاسين !؟
الناس بتيجى و تلاطش فينا و فى الآخر.. مُتأسفين
كنا طالبين منك يومين .. نعيشهم بس فرحانين
إديتينا اليومين و كان صَداهم كله أنين
طب الفرح .. سيباه لمين ؟
يا بخيله.. ليه بتجرى بِِه سينين !؟
ياستى عارفين .. هانسبها و مش واخدين
بس إنسينا بئه مَحنا مش نأصين
عاجبك أوى صوتى الحزين
و الدمعه إلًى بَئت علامه فى العين
ماهو لِسه مَجاش حِساب المَلاكين
عَلشان أسيبهالك و تلاطشى فى ناس تانين
أرجوكى .. لو مش ناويه تفرحينا
سيبينا بس نعيش مِرتاحين
ولاّ أقولك .. مُتَشكرين
دا إنتى بِجد تِجَننى العَاقلين
14 comments:
dah post gameel malyan ... homoom
how mafesh 7adad saybah el donay deah fe7alow ?
wala el 3ab fena ?
nefsy 2ashof 7ad mabsooot
wala 2a2olek ana nefsy 2arga3 so`3ayer tany
إنسان محتار:- سبني في حالي الله يخليك روح شوف إيه اللي ليك و إيه اللي عليك
عيش دنيتك زي ما هي لا تفكر في دي ولا دية
ناس كتبر فكروا و تعبوا و أهي دنيا معدية
==============================
أرجوكي لا تستسلمي بسهولة
فأنت اقوى منها
مؤكدا اقوى
===============================
هو صحيح انت مشتركتيش ليه في المسابقة؟
هي الدنيا كدا
شوية فوق وشوية تحت
شوية فرح وشوية حزن
شوية مرتاحين وشوية مجانين
تحياتي
howa yezhar kol elli esmohom Carol byektebo kalam kebir :)
3agebni awi osloob el khena2a wel ta7addi fe kalamek !
أنا متفق مع ما قاله بيشوي
تحياتي لكي
عاجبك أوى صوتى الحزين
و الدمعه إلًى بَئت علامه فى العين
منتهي البلاغة بس ليه الحزن ده كله يا كارول
dr_lazeez
أكيد العيب فينا
أشكرك على مرورك
Carol
أشكرك يا جميلة الإحساس على كلامك :)
كتير بشعر إنك قادرة على التعبيرى عن إحساسى بالموقف أكثر منى (لم أقصد هذه الكليمات الرقيقه فقط), فأنتِ حقا بارعه, أما عن الإستسلام .. فهى مرحله
و سوف تزول إن شاءَ الله
و بالنسبه للمسابقه .. فأنا أفضل
المشاركه الروحيه .. بالتوفيق لكى أنتِ
:) أسعدنى حضورك
The Alien
و شويه ناس من كُتر قرأتهم لكلامى زعلانين :) تحياتى لك أيضا
Misho
يا ميشو .. داأنا الدوبليره لكارول :)
أشكرك ولو إن مضمون الكلام لم يبعد
كثيرا عن بوست
( إُصرٌخ يا مِسكين .. و مين هَيسمعك)
:) سعيده إن الكلام عجبك, بالرغم من حزنه
micheal
أشكرك على مشاركتك المستمره
قنديل في قلبي
بغض النظر عن أصوات الإنفجارات
الصادرة من مدونتك الرائعه :)
أحيانا دًنيتنا بترسم لينا لون مش موجود فى بالتِةً حياتنا
و مجبرين نعلق لوحة أحلامنا
على جًدران حياتنا
بعتذر عن كثرة البوستات الحزينه
محتمل أغير إسم البلوج ل
MooD Ka2abet DoT :))
تحياتى
احساس رائع وكلمات عميقة معبرة
وعاوز اقولك ان كلماتك وابداعاتك بِجد تِجَنن العَاقلين
منتظرين المزيد والمزيد
والى الامام دائما
دمتم جميعا بخير
كلام لوجيك
أشكرك, ولو إنه أكثر مما استحق
ده بعض من ما عندكم
يا صاحب صندوق الدنيا الرائع
تحياتى لك أيضا يا فنان
Post a Comment