إضحك .. يمكن الصوره تطلع حلوه
السعادة عُمرها ما كانت بالكلام
لو السعادة في الكتابة .. دا أنا أكتب لك ديوان
السعادة مش كلمه أو لوحه فى برواز
لو كانت كلمه .. أقولك كلام يعدلّك الميزان
لو السعادة إنك تضحك .. دا أنا أعرفك على أكبر بهلوان
لو كُنا عايشين كده حياتنا
خلينا صادقين هنا مع نفسنا
إضحك عشان الصورة كده مش حلوه
16 comments:
ازيك يا كارول
ده مجرد مرور للتحية
وبرجاء قراءة ردى على تعليقك عندى فى شاطئ المصير
وبالتأكيد هأرجعلك تانى
جميلة جدا وعبقريتها لاتكمن فى ميزان كلماتك
بل تكمن فى فلسفتها
بس انا عندي سؤال
ازاي اضحك؟ وايه هى السعاده اذا لم تكن فى كلمه حلوة
او فى كتابة معبره
او فى الفرجه على بهلوان؟؟؟؟
وهل الصورة هتكون حلوة اذا ابتسمت بلا روح؟؟
اصعب انواع البحث .... هو البحث عن السعادة
السعادة هى معادلة صعبة...لو فككت شفرتها فستنالها
شكرا عالبوست
السعادة.. تلك الكلمة الغامضة التي إحتار فيها الكثير.. من رأيي أنها شئ نسبي وتعتمد حسب رؤية كل شخص وفلسفته في الحياة وهنا سؤال يطرح نفسه.. متي تشعر بالسعادة؟ أو ما هو مفهوم السعادة بالنسبة لك؟
عن نفسي.. لا أجد غير إجابة واحدة ووحيدة قفزت لذهني فور ترديد السؤال..
"عندما يكون وطني سعيد"
آآآه يا وطني
عزيزتي السعاده فعلا شئ نسبي لان ممكن اللي يسعدني ممكن حد تاني يشوفه عادي خالص و مايثيرش فيه اي حاجه
اهم حاجه هي اننا نقتنع باللي معانا في ايدينا القناعه اعتقد انها اولي خطوات السعاده
تحياتي علي البوست الجميل
عزيزتي كارول
هو البيبي ما شاء الله حلو و هو بيبكي و حلو و هو بيضحك
لكن في ناس مينفعش اصل متضحكش
على فكرة انا كتبت بوست على السعادة
here
:)
السعادة تتجلى اسمى معانيها فى ان يكون الانسان فعلا صادق مع نفسه
السعادة تظهر ايضا فى النجاح
فالنجاح يجلب احساس غامر بالسعادة
أجمل حاجه في البوست
خلينا صادقين مع نفسنا
تحياتي
i am rely couldn't smile from 5 days because i lost my best ................. but rely i will returned back soon
maged stephen
أهلا بيكَ فى أى وقت .. تشرف
تحياتى
كلام لوجيك
شكرا يا بشمهندس :)
أما عن أسئلتك .. وهل الصورة هتكون حلوة اذا ابتسمت بلا روح؟؟
هذا ما أقصِده من البوست
الروح .. و أى شىء اّخر لا يساوى بدونها
أسهل ما يكون أن نبتسم (و خصوصا كشعب مصرى) على أتفه الاسباب
نورت يا فندم
تحياتى :)
قنديل
فعلا هى شئ نسبي .. فأنا أتفق مع مقوله
إن أسعد الناس .. من لا ينتظر شيئاً من أحد
يكفي شعور الإنسان بالرضا
فهذا ما يعطيه السعاده فعلا
تحياتى
اجندا حمرا
أتفق معكِ فى الرأيك
شكرا يا جميله :)
Nada
على فكره .. أنا من ضِمن الناس إلى ماينفعش ماضحكشى و ماينفعش حد يكون معايا و مايضحكش
أصلى الضحك من الغًلب .. غير الضحك من القلب :))
لقد أعجبنى كلامك عن السعاده أيضا
أكيد مافيش مقارنه بينى أنا فقيره
المعانى و بينك يا صاحبه القلم الذهبى
نورتينى :)
Mirage
أتفق معك أيضا .. فعلا النجاح يجلب إحساس جميل بالسعادة , خصوصا عندما
تنجح فى شىءٍ ما تًحبه
سعدتً بزيارتك و مشاركتك
أتمنى أن تتكرر :)
micheal
لأن الصدق أهم شىء
شكرا على مرورك
تحياتى لك أيضا :)
Sokomonoce
ترجع بالسلامه .. إنشاء الله
:)
Post a Comment